ភាពតានតឹងក្នុងតំបន់ អំពីបញ្ហាសមុទ្រចិនខាងត្បូង និងការព្រួយបារម្ភផ្នែកសន្តិសុខ នឹងគ្របដណ្ដប់លើកិច្ចប្រជុំរបស់មេដឹកនាំសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) នៅសប្ដាហ៍នេះ ដែលធ្វើឡើងក្នុងបំណងជំរុញដល់ពណិជ្ជកម្ម និងកំណើនសេដ្ឋកិច្ចក្នុងតបន់ដែលមានប្រជាជនប្រមាណ ៣ ពាន់លាននាក់ ។
ប្រទេសហ្វីលីពីន កំពុងប្រុងប្រយ័ត្នខ្ពស់ ដោយដាក់ពង្រាយកងកម្លាំងរាប់ពាន់នាក់នៅទូទាំងទីក្រុង ម៉ានីល ដែលមានប្រជាជន ១២ លាននាក់ ។ ផ្លូវធ្វើដំណើរជាច្រើនឆ្ពោះទៅកន្លែងប្រជុំត្រូវបានបិទ ទោះជាពុំមានព័ត៌មានអំពីការគម្រាមណាមួយយ៉ាងណាក៏ដោយ ។
អ្នករៀបចំសន្និសីទនិយាយថា អគារក្នុងតំបន់ដែលត្រូវរៀបចំសន្និសីទ ត្រូវបានបញ្ជាឲ្យបិទបង្អួចទាំងអស់ ដើម្បីងាយស្រួលដល់ការគ្រប់គ្រងសន្តិសុខ ។ ទោះយ៉ាងណា ជីវពលក្នុងប្រទេសហ្វីលីពីន ពុំមានទំនាក់ទំនងជាមួយនឹងក្រុម ISIS ឡើយ ប៉ុន្តែក្រុមជីវពលនៅភាគខាងត្បូងហ្វីលីពីន ធ្លាប់បានវាយប្រហារជាច្រើនលើក ក្នុងទីក្រុងម៉ានីល ។
ជើងហោះហើរក្នុងស្រុក និងអន្តរជាតិជិត ១៤០០ ត្រូវបានលុបចោល ចំណែកសាលារៀន និងស្ថាប័នរដ្ឋ ជាច្រើនកន្លែងក្នុងទីក្រុង ត្រូវបានបិទទ្វារផងដែរ អំឡុងសន្និសីទនោះ ។
0 comments:
Post a Comment