រណ្ដៅកប់សាកសពដ៏ធំមួយ ត្រូវបានរកឃើញ ដែលគេជឿថា មានសាកសពរបស់ជនជាតិភាគតិច យ៉ាសាឌី ជាង ៧០ នាក់ ស្ថិតនៅភាគខាងកើតទីក្រុង Sinjar ក្រោយពីកងកម្លាំងជនជាតិខឺត ដណ្ដើមបានតំបន់ភាគខាងកើតទីក្រុងនេះពីក្រុម ISIS ។
ISIS បានដណ្ដើមយកទីក្រុង Sinjar ដែលស្ថិតនៅភាគពាយព្យប្រទេស អ៊ីរ៉ាក់ កាលពីខែសីហាឆ្នាំ ២០១៤ ហើយបានសម្លាប់ជនជាតិភាគតិច យ៉ាសាឌី រាប់ពាន់នាក់ និងមួយចំនួនបង្ខំឲ្យធ្វើជាទាសករ ដែលអង្គការសហប្រជាជាតិហៅថាជាអំពើប្រល័យពូជសាសន៍មួយ ។
អភិបាលក្រុង ស៊ីនចា និងពលរដ្ឋក្នុងតំបន់ និយាយថា មានសាកសពមនុស្សជាច្រើននាក់ ស្ថិតក្នុងរណ្ដៅដ៏ធំ ដែលគេជឿថាជាមនុស្សចាស់ ដែលត្រូវបានបំបែកចេញពីក្រុមក្មេងៗអំឡុងពេលការសម្លាប់រង្គាល ។ ពលរដ្ឋក្នុងតំបន់និយាយថា ស្រ្តីក្មេងៗ ត្រូវបានក្រុម ISIS នាំយកទៅធ្វើជាទាសករផ្លូវភេទ ហើយមនុស្សចាស់ ត្រូវបានគេនាំទៅបាញ់សម្លាប់ចោលនៅភាគខាងកើតទីក្រុង ។
លោក បារ៉ាក់ អូបាម៉ា បានបញ្ជាឲ្យធ្វើការវាយប្រហារតាមអាកាសទៅលើក្រុម ISIS ក្នុងទីក្រុង Sinjar ដើម្បីរារាំងការសម្លាប់រង្គាល ធ្វើឡើងដោយក្រុម ISIS ដែលចាត់ទុកជនជាតិយ៉ាសាឌី ថាជាអ្នកគោរពបិសាច ។ កងកម្លាំងជនជាតិ ខឺត បានដណ្ដើមផ្នែកខ្លះនៃទីក្រុង Sinjar ពីក្រុមរដ្ឋឥស្លាម កាលពីថ្ងៃសុក្រ ក្នុងប្រតិបត្តិការរយៈពេលពីរថ្ងៃ គាំទ្រដោយការវាយប្រហារតាមអាកាសពីក្រុមចម្រុះដឹកនាំដោយអាមេរិក ។
ក្រុមប្រឹក្សាតំបន់ជនជាតិខឺត និយាយថា ភូមិចំនួន ២៨ ត្រូវបានរំដោះ អំឡុងប្រតិបត្តិការរំដោះ Sinjar ។ ទោះយ៉ាណា ស្រ្តីជាងពីរពាន់នាក់ កំពុងស្ថិតនៅជាចំណាប់ខ្មាំងរបស់ក្រុមISIS ។
0 comments:
Post a Comment